2567/2024-2025

Dated: Mamit the 17th of October, 2024: Vawiin chawhma dar 11:00 khan DC Conference Hall-ah Bana Kaih (Handholding) Policy hnuaia thlai thar hralh (marketing) chungchangah Sensitization-cum-Consultative Meeting neih a ni. He hunah hian District Bawrhsap Pu Jacob Lalawmpuia chu Chairman niin hun a kaihruai a, Mizoram Agricultural Marketing Board (MAMB) atangin member pali ten hun an hmanpui bawk. 

He hunah hian MAMB atangin PowerPoint presentation neih a ni a, he thlai thar marketing in a tum tlangpui leh hmalak dan tur te thlir ho a ni a. Thlai thar hralh dan tur te, thlai chingtute atanga a leitute thlen dan tur te, collection centre atanga hralh dan tur te in hrilh hriatna hun neih a ni a. District Agricultural Marketing Committee (DAMC) mawhphurhna hrang hrang leh hmalak dan tur sawi a ni bawk. Presentation neih zawh hian zawhna leh chhanna hun neih nghal a ni bawk.

Vawiin hunah hian department hotute, BDO leh officials dangte kim takin an tel a ni.