2568/2024-2025
Siaha the 17th October 2024: Siaha District Addl Magistrate Pu Abraham Beirazi Khithie chuan Kumin Diwali, Krismas leh 2025 Kumthar vuakvetah mitinin hlim leh lawm taka hun an hman theih nan Siaha District chhungah puakthei thil halpuah, halmawi leh a kaihhnawih chi hrang hrang leh naupang silai lem (a mu kapchhuak thei chi) lakluh, hralhchhuah, kawl leh hman khapna thupek a chhuah.
ORDER
Hindu ho hunpui Diwali (Deepavalli), 2024 leh Kristian-te hunpui Krismas, 2024 leh kumthar, 2025 kan lo thleng leh dawn ta a. He mi hunpui-ah hian mipui leh mimal tan thil tha lo leh hriselna atana thil pawi a thleng thei thin a. Chuvangin Siaha District chhunga mipui leh mimal tan thlamuanna, nunhlimna leh hriselna tha zawk a lo awm theih nan Puakthei thil halpuah, halmawi leh a kaihhnawih chi hrang hrang leh naupang silai lem (a mu kapchhuak thei chi) lakluh, hralhchhuah, kawl leh hman khapna thupek chhuah tulin ka hria a.
Chuvangin, kei, ABRAHAM BEIRAZI KHITHIE, ADDI. DISTRICT MAGISTRATE, Siaha District, Siaha chuan Section 163 of Bharatiya Nagarik Suraksha Sanita, 2023 in thuneihna min pek angin, a hnuaia tarlan ang hian thupek ka chhuah e.
1) Siaha District huam chhungah mi tumahin Christmas, 2024 leh New Year, 2025 lawmna vuakvetah halpuah, halmawi chi hrang hrang sky lantern huam telin leh naupang silai lem, a mu chhuak thei (Toy gun with pellets) chi reng reng lakluh/Kawl/Zawrhchhuah leh hman khap tlat a ni.
2) Gelatine leh Bomb lam chi reng reng thuneitute hnen atanga phalna bik nei an nih loh chuan lakluh/Kawl/Zawrhchhuah leh hman khap tlat a ni.
He thupek hian chhuah a nih atanga thla hnih (2) chhung a huam ang.
He thupek zawmlo te chu Section 223 of Bharatiya Nyaya Sanita, 2023 hmanga hrem an ni ang.
He thupek hi vawiin ni 16 October, 2024 hian Court Seal leh ka kut ziak ngeiin ka nem nghet e.
