2569/2024-2025

Saitual, 17th October 2024 : Vawiin khan MZU Vice Chancellor Prof. Dibakar Chandra Deka chuan Govt Saitual College a tlawh a, GSC Principal Pu Lalzarmawia leh thawktu ten lo dawngsawngin Principal room-ah inkhawmhona hun an hmang.

MZU Vice Chancellor chuan Govt. Saitual College chu Aizawl khawpui pawn College a a tlawh hmasak ber a nih thu sawiin College dinhmun leh an hmun hma chiang taka hriatte, zirtirtu leh zirlaite hmaichhana titipui a duh vangte a ni, a ti.  Zirtirtute leh zirlaite chuan MZU tlawh thin mahse inhmuhna hun remchang a awm vek thin loh avangin amah zawkin hun remchang insiamin a tlawh tih a sawi a. Vice Chancellor chuan GSC chu College lian tak ni lo mahse a hmun hma a thain a felfai a tih thu a sawi. 

Prof. Dibakar Chandra Deka chuan zirna chungchang sawiin NEP an kalpui atangin nakkum hi kum 3 an zirna leh graduate hun tur a ni tawh dawn a, NEP-in a duan anga kum 4 zir thei turin College chuan ruahmannna a nei em tih zawhna a nei tih a sawi a. NEP in a rua hman anga kum 4 chhung zir tur kalpui a nih theih chuan zirlai naupangin kum 1 chauh University an kal a ngai tawh dawn a, chu chu thingtlang leh chhungkaw harsa zawk atanga zirlaite tan malsawmna thlentu a nih theih tur thu a sawi. GSC chu Arts College chauh nilo Science streams hawn theih dan kawng an ngaihtuah ngai em tia zawtin theih tawp chhuaha hma la turin a chah a, zirnain hma a sawn zel theih thahnemngai taka thawk zel turin a chah bawk a ni. 

MZU Vice Chancellor hi Prof Lalbiakdiki Hnamte CDC, Director MZU in a tawiawm a, Govt. Saitual College a tlawh zawh hian Govt. Khawzawl College leh Govt. Champhai College te a tlawh leh dawn a ni.