No.7469/2020-2021

Indian Institute of Horticulture Research (IIHR) hmunpui Bengaluru, Karnataka State-a National Horticulture Fair 2021 hawnna hun chu vawiin khan Online hmangin KVK Khawzawl atanga zawm a ni. KVK Khawzawl Training Hall, KVK Complex, Kawnzar Veng atanga National Horticulture Fair-2021 hawnna hun hmanpuinaah hian Dr. Henry Saplalrinliana, Senior Scientist & Head of Department, thawktu dangte leh Biate khua atanga kuthnathawktu thlanchhuah 20, Tomato leh Serthlum chingtute an tel a ni.

National Horticulture Fair hi kumtinin Indian Institute of Horticultural Research chuan IIHR hmunah a huaihawt thina, kumin hian Covid-19 hripui leng avangin kuthnathawktu te’n an chhim theih nan online /virtual kaltlanga buatsaih a ni.

He hunah hian IIHR thlai leh pangpar variety hrang hrang-te  chhawpchhuah niin, kuthnathawktu te’n an hlawkpui hle a ni. National Horticulture Fair 2021 hi Pu Kailash Choudhary, Minister of State, Ministry of Agriculture & Farmers Welfare, Govt. of India chuan a hmanpui a. Dr.A.K Singh, DDG, Horticulture Science, ICAR New Delhi, Dr. Trilochan Mohapatra, Secretary, DARE and DG, ICAR leh mipawimawh dangte an tel a ni.

Vawiin chawhnu khan Biate khua kuthnathawktute  pual hian KVK Khawzawl buatsaihin Tomato chin dan training buatsaih a ni a. Dr. Malsawmkimi, Subject Matter Specialist (SMS) Horticulture, KVK Khawzawl chuan zirtirna a pe a ni.