No.7470/2020-2021

Vawiin chawhnu khan Lunglei District Level Fire Prevention Committee, hmalakna in Convention Centre Conference Hall ah “Kangmei tichhuak lo turin mi tin i fimkhur ang u" tih thupui hmangin Fire Prevention Week  2021 ( 8^th – 13^th February, 2021) hawnna inkhawm  neih a ni. Dr.K. Pachhunga,MLA leh Vice Chairman, Bamboo Development Board, Mizoram chuan khuallian ni in a hmanpui.

Hawnna inkhawm Pi Lalrammawii Sailo DFO & Member Secretary, District Level Fire Prevention Comittee, Lunglei kaihhruai ah Week hawngtu khuallian Dr.K.Pachhunga chuan thusawiin, khawvela nungcha chitin reng ten kawltu tura Pathian ruat  kan ni a, chutihlai in khawlvel kalphung ah sawrkar pawhin mipuite tana tihtur leh tihloh tur dante a siam thin. Chutiangin sawrkar pawhin a tih tur te hriain theihtawp a chhuah bawk a, mipuite pawh in sawrkar in dan leh hrai a siamte zawm hi kan mawhphurhna tih kan hriat a pawimawh a ni a ti. Mipuite hriselna atana hnathawh hi sawrkar tha chuan a tihtur a ni a, zirna kawngah pawh a tha zawng mai piah lam ah eizawnna kawng awlsam thei zawngin hmalak a ni a, hripui kar ah harsatna hrang hrang kar ah mipuite tan sawrkar in ei leh bar ah nasa takin hma a la a, ram venhimna kawngah pawh nasa taka hma la in dan leh thupek kenkawh kawngah engmah harsatna a awm lo a ni. Dr.K.Pachhunga chuan tiin, mipuite harsatna sutkian na atan Mizoram hmun hrang hrang ah inkalpawhna kawng siam kawng ah nasa taka hmalak mek a nih thu a sawi bawk. Khawvel nuam siamtu chu nungcha chi hrangh hrang bakah thing leh mau te boruak nuam leh thianghlimte hi khawvel tinuamtu a ni tiin, hetih lai hian kan ram a thing leh mau kan tih chereu nasat avangin kan ram boruak thianghlim leh nuam tak pawh kan ti chhe zel a, Pathian thil thlawn pek boruak thianghlim leh ram ngaw nuam tak kan neih te humhalh kawngah hian kan harh thar a tul takzet a ni tiin, kan ram tinuamtu nungcha chi hrang hrang lui leh khawmual a mi te tih chereu thin pawh sim a hun a ni a ti. Ram kan tih  kan hian keimahni kan in hal a ni a, Pathian thuawilohna a ni bawk. Kan ram hi hnamdang ten min venhim sak dawn lo tih hria in kan ram thing leh mau te nungchate humhalh kawng ah mitin in mawhphurhna kan nei tih hria ila ram tikangtu nilo in a vengtu nih tum vek ila kan tu leh fa lo awm zel turte tan kan ram nawmna leh mawina hi humhalh turin tan i la thar theuh ang u a ti.

Pu R.Vanrengpuia, Deputy Commissioner leh Chairman, Lunglei District Fire Prevention Committee in Fire Prevention Week 2021  sorkarin hmang tura tih angin vawiin ah hman ani a, he hun hmang tura lokal te a lo lawm in, week hman na a chanvo nei te thahnemngai taka ti tur in a chah ani.

Pi Lalrammawii Sailo, DFO leh Member Secretary, Lunglei District Fire Prevention Committee chuan report pe in Lunglei District chhunga Sub Division leh Block te chu Forest Department nena tangruala he hapta hi hman tura ngen an ni a.Sorkar thupek dinglai leh ram tikang lo tura  invenna dan “The Mizoram Prevention and Control of Fire in the Village, Rules 2001 chu Lunglei District mipui ten an zawm ngei theih nan   VC, YMA leh kohhran hrang hrang te nen tangrualin hmalak tum a ni a, tlangua, banner, newspaper leh TV media-te kaltlangin mipui hnen ah hemi chungchang zirtirna kalpui tum a ni. State Level Sub Committee chuan March ni 15 hma in Lo/Leipui hal vek tur tih alo rel tawh chu Lunglei District chhunga Village Council zawng zawng ten zawm ngei turin DLAO nen tangkawp a hmalak ni se tih an rel bawk a. Kumdang a lo tih thin tawh angin mipuite hnena ram kang ven lam zirtirna pe tha chanchinbu leh media dang hnenah lawmman pek ni se tih Committee chuan a rel bawk.

He hun ah hian Pu Lalrotluanga, President, Sub Hqrs YMA, Lunglei leh Pu C.Zairemthanga, Associate Professor, Lunglei Govt College tepawhin kangmei ven kawng a hmalak nghaihna te an sawi bawk.