No.7731/2020-2021

Dated Kolasib the 8th March 2021 : Vawiin hi United Nations-in khawvel pum huap a hmeichhiate ni a a puan, International Women’s Day a nih angin Krishi Vigyan Kendra, Kolasib district-te pawh in hemi ni pual hian hun an hmang. International Women’s Day ni pual a KVK Complex-a inkhawm buatsaih hi  Pi Lalrinpuii, Program Assistant (Home Science), KVK Kolasibin a kaihruai a. Kolasib District chhunga hmeichhe Self Help Group tithate chawimawina hun hman a ni. National Award – Best Performing Self Help Group 2018 leh 2019 lo dawng tawhtu, ‘Vau Self Help Group’-te chu he Women’s Day pual hian chawimawina thuziak hlan an ni bawk.

Dr. Michelle C. Lallawmkimi, Senior Scientist & Head chuan  hmeichhiate chu an ropuina leh an hlut zia hre turin fuihna thu a sawi a. Kumin 2021 International Women’s Day thupui  atan a thlan ‘Choose to Challenge’ tih bakah ‘Women Leadership in Agriculture: Entrepreneurship, Equity and Empowerment’ tih hmangin thusawi tawi ngaihthlak a ni. Live Video-Conferencing kaltlangin Central sawrkar Programme duan, Minister of State for Agriculture & Farmers Welfare, Shri Kailash Chaudhary thusawi ngaihthlak a ni bawk a ni.  

Vawiin KVK, Kolasib-a International Women’s Day hmanna a kalkhawmte tan thu ziah ah (Essay writing) leh lem ziak, hmeichhiate ropuina leh hmasawnna tarlang thei lamhawi  intihsiakna buatsaih a ni bawk.