1665/2026-2027

Kolasib, 5th August, 2026: Vawiin khan Krishi Vigyan Kendra (KVK), Kolasib a mithiamte chuan Kolasib Florist Association member-te tan pangpar enkawl leh khawi dan zirhona (training) an buatsaihsak.

He hun hi Dr. Michelle C. Lallawmkimi, Senior Scientist & Head, KVK Kolasib chuan a kaihruai a. Kalkhawmte hnenah thu sawiin, pangpar mawi tak, Pathian thil thlawnpek hlutna siam belh theitute chu Florist Association member-te an nih thu a sawi a. Hei hi eizawnna leh sum lakluhna tha tak a nih avangin tun aia nasaa tang leh thahnemngai turin training-a telte chu a fuih a ni.

He hunah hian mithiamte hnen atangin thupui (topic) hrang hrang hmanga zirtirna pek an ni a. Zirtirna pek zingah hian - pangpar natna laka ven dan leh natna nei enkawl dan te, leitha an mamawh zat pek leh siam dan te, 'smart flower farming' kalhmang te leh, a hmuna ngei pangpar khawi dan zirna (practical) te a tel a ni.