KVK Lunglei District Hnahthial chuan Project a kal pui mek National Innovation on Climate Resilient Agriculture hnuaiah Best NiCRA Award, 2019 chu vawiin khan Central Research Institute for Dryland Agriculture CRIDA, Hyderabad hmun-ah a dawng. He award hi KVK Lunglei District aiawh in Senior Scientist & Head Dr. Lalmuanzovi'n a dawng a ni.

KVK Lunglei District hian Kum 2011 atangin National Innovation on Climate Resilient Agriculture (NICRA) Project hi ICAR hnuaia awm CRIDA enkawl na hnuaiah hna thawh dan kawng li- Natural Resource Management, Crop Production, Livestock and Fisheries leh Institutional intervention tih te hmangin hna a kal pui a ni. He project in a tum bul pui ber chu sik leh sa inthlak dang lam zel mil a, thlai leh huan enkawl dan tha zawk leh rintlak zawk, kuthnathawktu te ber pawhin an ban phak theih tur a hma lak a ni. Thlai chi tha, ram leh boruak mil chin te, ran chi hlawk leh tha sik leh sa inthlak pawh in harsatna a thlen tlem theih ber te vulh leh enkawl te a ni.

He project hi India ram pum pui a KVK 100 thlan bik te ah CRIDA, Hyderabad chuan ICAR ruahmanna in a kal pui mek a ni. Kum riat kal ta chhung a he project kal pui tha ber atan Best NICRA KVK Award 2019 chu KVK Lunglei Distict Mizoram hnenah Dr. A. K. Singh ICAR DDG in vawiin khan a hlan a ni.