Vawiin khan KVK Service Association of Mizoram (KISAM) chuan General Body Meeting, Agriculture Conference Room, Aizawl-ah an nei a. Col Z.S. Zuala, Parliamentary Secretary in khuallian niin a hmanpui.

Thusawiin Col. Z.S. Zuala chuan Chemical Pesticides/Fertilizer hmang lo a Agriculture kalpui a hun tawh takzet a ni a ti a. Thlai natna hrang hrangte venna atan organic lam atanga siamchhuah hman hram hram pawh a tul a ni, a ti. Khawizu pawimawhna sawichhuakin khawizu tam thei ang ber tharchhuak thei tura hmalak a pawimawh tih sawiin, khawizu pawlh dal loh chini pawlh loh ngei tharchhuak turin a chah bawk. KVK hnathawk te chu punctuality ngai pawimawh a, rinawmna vawng reng tur leh Account lam khawih tu te pawh chunglam hriatpui tlak a khawih turin a chah bawk a ni. KVK a hnathawk te thawhrah hi Mizoram in a la hlawkpui zel dawn a ni, a ti bawk.

KISAM General Body Meeting hi Pu Lalthansiama, Director, Agriculture, R & E in a kaihruai a. Pu R.L. Thanzuala, Joint Director leh Dr. C. Lalfakawma, President, KISAM ten thu an sawi bakah Dr. Samuel Lalliansanga, Sr. Scientist & Head, KVK, Mamit in KVK hnathawh kalhmangte a sawi bawk a ni.