1838/2024-2025

Aizawl dated 30th August 2024: Vawiin khan Secretariat Conference Hall, MINECO-ah Village Council kaltlang a inrelbawlna tur 'The Mizoram (Village Councils) Bill 2024' enhona thutkhawm, tum hnihna neih a ni a. Pu C.Lalsawivunga, Minister, Local Administration Department chuan thutkhawm hi kaihruaiin Pi Teresy Vanlalhruaii, Secretary, LAD chuan 'The Mizoram (Village Councils) Bill 2024' chungchang sawi zauna hun a hmang a. Local Administration Department a thawktute, Drafting Committee member, Political party leh tlawmngai pawl aiawhte he hun ah hian an tel a ni.

Minister Pu C.Lalsawivunga chuan thingtlang lam khuate tihhmasawnna tur te, mahni inrelbawl thei tur a thu neihna pek te leh khawtlang tan a hmathatna hrang hrang awmte chak zawk a kalpui a nih theih nan ‘The Mizoram (Village Councils) Bill, 2024’ chu ruahman a nih thu a sawi a. Khawtlang tihhmawsawn nana inkaihhruaina tur a nih dawn avangin uluk tak a zirchian leh sawiho a pawimawh thu sawiin Consultative Committee thutkhawm hmasa thu rel bawhzui a chak tak a hma latu,’Drafting Committee’ te inpekna chu lawmawm a tih thu a sawi.

The Mizoram (Village Councils) Bill, 2024-ah hian Village Council din a nih theih dan te, Village Council member bituk zat te, Village Council hruaitu thlan dan te leh inthlanna chuh tur a thil ngai hrang hrangte a awm a. Village Council thuneihna te leh hmasawnna hna thawh kawng a inkaihhruaina leh mawhphurhna te a chuang a ni. Thutkhawm ah hian The Mizoram (Village Councils) Bill, 2024 hi uluk tak a zir leh sawiho a ni.