1839/2024-2025

Aizawl the 30th August, 2024 : Vawiin khan Mizoram Youth Commission chuan Mizo thalai hna zawng mek te tan Writing Skills-ah One-Day Workshop a buatsaih a. He Workshop hi MYXC leh D&C Coaching tangkawp a buatsaih ni in,  Resource Person ah D & C Coaching neitu Pu David LF hman a ni. Ani hian English Grammar, Writing Skills, Spoken Hindi leh Soft Skills-ah te coaching a pe thin a ni.

He Workshop hi a duh apiang tan a thlawna chhim theiha buatsaih niin, mi 192 laiin registration an ti a, a hmunah hian mi 151 an rawn kal a ni.

Workshop hi chawhma dar 10:00 ah tan niin tlai dar 4:00 thleng hun hman a ni a. Workshop chhimtute hian hlawkthlak an tiin an hlut hle.

MYC hian kum 2021 atang khan thalai hna zawng mekte tan kumtin hetiang lam hawi hian programme a lo buatsaih tawh thin a. Writing Skills bakah hian Interview Orientation leh Mock Interview te pawh hlawhtling taka buatsaih tawh niin, thalai ten an chhawr tangkai thin  hle a ni.