208/2023-2024

Vawiin khan Pu K.Lalrinliana, Minister, Local Administration Department chuan a Office Chamber-ah National Panchayat Awards - 2023 'Nanaji Deshmukh Sarvottam Panchayat Satat Vikas Puraskar (NDSPSVP)' lawmman pakhatna dawngtu Ngopa Village Council te, Press mi te leh Local Administration Department Officials te lengah sawmin thingpui inhona a neihpui a ni.

Minister, LAD chuan India ram pumpuia Panchayat 255000 (nuai hnih singnga sangnga) chuang zinga Nanaji Deshmukh Sarvottam Panchayat Satat Vikas Puraskar (NDSPSVP) category ah lawmman pakhatna dawngtu Ngopa Village Council chu Mizoram tihmingthatu an nih avangin chhuanawm a tih thu a sawi a. Tin Ngopa Village Council ten lawmman an lak pawisafai Rs. 1,50,00,000/- (cheng nuai za leh sawmnga) pawh Central Sawrkar duhdan angin Ngopa khua hmasawnna hna thawh nan hmang ngei turin Ngopa Village Council te a ngen bawk a ni.

Ni 17.04.2023 khan Ngopa Village Council hian Pi Droupadi Murmu, President of India hnen atangin New Delhi-ah lawmman hi an dawng a. New Delhi-a lawmman semna inkhawmah pawh LAD Minister Pu K. Lalrinliana leh LAD Official-te an zuk tel a ni.

Ngopa Village Council-in lawmman an lak 'Nanaji Deshmukh Sarvottam Panchayat Satat Vikas Puraskar' hi Sustainable Development Goals 17-te tihthlawhtinna tura Localization of Sustainable Development Goals Theme (thupui) hrang hrang pakua (9) pumpuia titha lawmman a ni a. Localization of Sustainable Development Goals (LSDGs) Theme 9-te chu hengte hi a ni :
1. Poverty Free & Enhanced Livelihood
2. Healthy Panchayat
3. Child Friendly Panchayat
4. Water Sufficient Panchayat
5. Clean and Green Panchayat
6. Self Sufficient Infrastructure
7. Socially Secured Panchayat
8. Panchayat with Good Governance
9. Women Friendly Panchayat.

Vawiina inkawmhonaah hian Pu K. Lalrinliana, Minister, LAD chuan Ngopa Village Council ten India rampum huapa Localization of Sustainable Development Goals Theme pakua (9) tihlawhtling tura hma la tha lawmman pakhatna an lak theih nana line Department dangte nena thawhhona tha tak an neih avangin lawmawm a ti hle a. Hun lo kal leh turah pawh hei aia nasa zawka thawhhona tha nei turin line Department leh mipuite a sawm a ni.