209/2023-2024

25.4.2023: Tukin zingkar khan Aizawl E-II bialtu MLA & Minister Pu Robert Romawia Royte chuan Chite Venga Convention Centre sak mekin a ken tel Chite Lei dawh mek chu a en a. He Lei hi Tourism Ministry sum Rs 131.94 Lakh senga dawh niin a tha thawkhat hle nia hriat a ni.

Hemi zawh hian Chite Convention Centre sak mek pawh enin hnathawh a chakin a that avangin bialtu Minister chuan lawmawm a tih thu a sawi.

Chhinga Venga Bethany Road-a Lei pahnih dawh mek pawh Aizawl E-II bialtu hian a en a, Chhinga Veng chhunga motor luh lohna Bethany Venga motor luhtir chu harsa mahse, Pathian leh veng mipuite leh sorkar zarah a hlawhtlin ngei a beisei tih Minister chuan a sawi. Hnathawktu te pawh theihtawp chhuah turin a fuih bawk.