State Election Commission (SEC), Mizoram chuan ni 25th March, 2014-a Lai Autonomous District Council (LADC) hnuaia Village Councils 93-ah Inthlanpui a buatsaih dawn avangin, inthlanni tur puan ni vawiin ni 19th Febraury, 2014 atanga ni 4th April, 2014 thleng Model Code of Conduct hman a ni dawn a. Hemi chhunga sorkar hna lak leh hnathawkte sawn chungchangah SEC chuan hetiang hian thuchhuah a siam:

State Public Service Commission hnuaia hna lak kal lai mek leh hna lak tur tih loh chu LADC huamchhungah sorkar department hrang hrang bakah Public Undertaking Corporations hnuaiah SEC phalna la hmasa lo chuan hna lak phal a ni lo a. Inthlanna neihna tur village council huamchhunga Sorkar hnathawk, sawn leh dah phal a ni lo. Inthlanpui neih ni tur puan hmaa Transfer emaw posting order tihchhuah tawh la tih hlawhtlin si loh te chu SEC phalna lo chuan bawhzui phal a ni lo a. Loh theih loha sawn ngai an awm a nih chuan sawn a ngaihna chhan sawifiahin SEC hnenah phalna lak hmasak tur a ni.

Inthlanna fel fai leh muanawm tak neih a nih theih nan SEC thuchhuah te hi zawm theuh turin SEC chuan a beisei a ni.