State Election Commission (SEC), Mizoram chuan Lai Autonomous District Council (LADC) hnuaia Village Council 93 a inthlanna neih ni tur a puan tak avangin vawiin ni 19th February, 2014 atang hian Model Code of Conduct hman zui nghal a ni a. Hemi bawhzuiin SEC chuan LADC huamchhunga sorkar hnathawk awm zawng zawng te hriattur thuchhuah hetiang hian a siam:

Sorkar hnathawk tupawh tan bik nei leh duhsak bik neiin a awm tur a ni lova, candidate te puihbawm/tanpui pawh phal a ni lo. Inthlan kaihhnawih ah Minister/ Chief Executive Member, Executive Member, Member of District Council leh political functionaries dang a zui tur a ni lo a. Dan leh hrai kengkawh tu an nih loh chuan sorkar hnathawk tupawh political meeting-ah tel phal a ni lo a, meeting neih nikhuaa police duty te chu meeting-a tel ang a ngaih an ni lovang. Heng thupek zawmlo chu dan angin an chungah hmalak a ni ang.

Sorkar hnathawk tih hian LADC huamchhunga, state sorkar, Autonomous District Council, Sorkar laipui, State sorkar emaw Sorkar laipui a Public Sector Enterprise, Statutory Bodies sorkar atanga tanpuina sum hmu, hnuaia thawk zawng zawng te a huam vek a ni.