2211/2023-2024

Dated Aizawl, the 8th October, 2023 (Sunday); 4:35 PM: Nimin tlaia Chief Minister Pu Zoramthanga hova Mizoram PWD hotute, NHIDCL leh Joint Action Committee on Pliable Road te meeting thuchhuak angin vawiin hian hna tan nghal a ni a, vawiin hian PQC (concrete road) half lane a siam tan nghal niin tun thlengin hetiang hian siam zawh tawh a ni.

1. Chainage 139.85 = 72m

2.  Chainage 140.10= 60m

3. Chainage 144.200 = 30m

Total = 162m

NHIDCL lamin Lung phur Truck lian 5 a ti thleng tawh a, 5 dang kalkawngah an thang mek. Site-ah labour ṭhenkhat an thleng tawh bawk.

Kolasib to Kawnpui stretch ah naktuk (Thawhṭan) zing dar 9 hmain Kawnpui quarry aṭangin lung an phur lut ang a. Naktuk zingkarah vek hian Tipper 5, JCB 1, Soil Compector leh a enkawltu labour 8  an thleng ang.

Hna hi chak taka thawh anih theih nan mawhphurtu hrang hrangten engtiklai pawhin an vil zui dawn a ni.