2212/2023-2024

Aizawl the 9th October, 2023 : Ni 07.10.2023(Inrinni zan) khan Minister for SW&TA, AH&Vety, etc. Er. Lalrinawma chuan Kickboxing Promotional Fight kharna inkhawm Ramhlun Sports Complex, Boxing Hall a buatsaih chu a hmanpui.

Thu sawiin Minister Er. Lalrinawma chuan infiammite chu mahni inthununna nei turin leh an infiamnaah inelna rilru thianghlim pu turin a chah a. Tualchhung infiamna chauh duhtawk lo a khawvel huap a inelna a telthei tura inbuatsaih turin a chah a. Mizote hi hnam huaisen, midang chhan nan nunna thap ngam kan nih angin kan theihna te midang tan malsawmna ni zel thei tur leh intuaihriam a, ruihhlo leh thilthalo dang laka inthiar fihlim zel turin infiammi kalkhawmte chu a chah a ni.

He Kickboxing Promotion Fight ah hian Mizoram District pakua(9) atang infiam mi 109 an tel a. An rih dan a zirin hlawm hrang hrangah then niin, he promotional fight hi Zonet Cable nen tangkawpin nikumah pawh buatsaih a lo ni tawh bawk a ni. A kharna hunah hian final match panga awm in lawmman semna neih nghal a ni.