Vawiin MHIP Day Mizoram puma hman anih rualin, Shillong-ah pawh Mizoram House, Cleve Colony-ah hman a ni a, Pi Lal Riliani, President, Indian Society on Tobacco & Health, Mizoram Chapter chuan a hmanpui.

Shillong-a MHIP Day lawmna inkhawm hi Shillong MHIP President Pi Laldawngliani’n a kaihruai a. Zai leh intihhlimna lamte hman anih bakah, hriselna leh zuk leh hmuam chungchangah inhrilhzauna hun hman a ni a. Pi Lal Riliani chuan zuk leh hmuam chungchang a sawi bakah, naupang enkawl leh incheina chungchangah thu tha tak a sawi bawk a ni.

MHIP Day lawmna hi Shillong a tlawmngai pawl hrang hrangte leh kohhran lam pawhin tawiawmin, hall khat tlatin lawmna hi hman a ni a. Ruai tuihnai tak an theh nghal a ni.

Attachment

  • Loading attachment...