Vawiin chawhma dar 10:30 khan Lunglei South bialtu Pu S.Laldingliana, Parliamentary Secretary  chuan a bial chhung Theiriat khua-ah MHIP Day Vawi 38-na chu Khuallian niin a hmanpui a, he hunah hian Pu Dinga  nupui Pi Lilypari Sailo pawh Khualzahawm a ni bawk.

 Theiriat MHIP-te MHIP Day lawmna hun hi Theiriat Community Hall ah an nei a. He hun hi Pi C.Laldinpuii, President MHIP Theiriat in a kaihruai.He hunah hian Theiriat khawtlang hruaitu hrang hrangte an kim hle a, thusawi leh Item benglut tak tak ngaihthlak leh thlirho a ni.

Pu S. Laldingliana chuan MHIP Day vawi 38-na tluang taka hman a ni thei chu lawmawm a tih thu sawiin, "MHIP chu Pawl thianghlim leh ropui, mihring puite tanpuina kawnga hmala thintu a nih avangin pawl zahawm tak a ni a. He ze ropui tak mai hi vawng nung zel ila,kan mihring puite tanpui hi Pathian rawng kan bawlna ropui tak a ni tih hre thar leh ila, rethei leh chanhai zawkte tana ke pen hi tihmakmawh-ah ngaiin hma lam i pan zel ang u" tiin "Theiriat khawtlang hian inpumkhatna nena ke kan pen zel phawt chuan changkanna kawngah nasa takin ka thanglian zel dawn a ni" a ti bawk .

Khualzahawm  Pi Lilypari Sailo, pawhin Theiriat khawtlang a ngainat dan leh bialtu an nihna anga Theiriat khawtlang pawhin nu leh pa anga en zel se a duh thu a sawi lang bawk.   

Theiriat MHIP te hian Pu S. Laldingliana leh a nupui Pi Lilypari Sailo te hi Thangchhuahkawr leh Tawlhlohpuan an pek a, Parliamentary Secretary  pawhin MHIP ten a tul anga an hman atan Dekchi Lian pakhat, Thingpui In na No 40 leh Tarpauline pakhat an pe bawk.

 Tum lawk dan chuan Pu S.Laldingliana hi karleh chho thleng khian a bial fangin Lungleiah a cham rih dawn a ni.