344/2025-2026

Aizawl, the 25th April, 2025: Mizoram sawrkar Sports & Youth Services Department, Athletic Federation of India leh Innovations India Pvt. Ltd. te tangkawp buatsaih, Aizawl International Half Marathon (AIHM) chu tukin khan zawhfel a ni a. A kharna hun Rajiv Gandhi Stadium, Aizawla neih chu Mizoram Larsap, General (Dr) Vijay Kumar Singh, PVSM, AVSM, YSM (Retd), AIHM 2025 Patron ni bawk chuan telpuiin lawmman a hlan a ni.

Larsap General (Dr) Vijay Kumar Singh (Retd) a vawikhat nan hlawhtling taka Mizoram International Half Marathon Aizawl khawpuia buatsaih a ni chu lawmawm a tih thu sawiin, tun aia changtlung leh lian tham zawk, mipuite ngaihhlut leh tam zawk tel theihna buatsaih  tum a nih thu a sawi. A hlawhtlin theih nana theihtawp chhuahtu Sports Minister, Athletic Federation of India, Innovation India Pvt. Ltd. leh anmahni tawiawmtute fakawm a tih thu sawiin, taksa hriselna leh insawizawi ngai pawimawha marathon tlan zawng zawngte chu tun atanga lo inpuahchak lawka tlan chhunzawm zel turin a chah a. Mizoram International Half Marathon chu India rama intihsiakna event mipuite ngaihven hlawh ber a nih thuai a beisei thu a sawi bawk.

Sports & Youth Services Minister Pu Lalnghinglova Hmar chuan thawhhona tha tak hnuaia hlawhtling taka Mizoram International Half Marathon hmawrbawk a ni chu lawmawm a tih thu sawiin, Mizoram mai bakah State pawn atanga lotelte fakawm a tih thu a sawi a. Nakumah pawh Aizawl International Half Marathon chu buatsaih leh tum a nih thu sawiin, a hun atan Valentine's Day, February ni 14, 2026 ruat a nih thu leh tun aia tam zawk an tel ngei a beisei thu a sawi a. Kumin Aizawl International Half Marathon-a tel zawng zawngte chhuanawm a tih thu sawiin, nakumah pawh tel leh vek turin a sawm nghal a ni.

He hunah hian PWD Minister Pu Vanlalhlana, Environment, Forest & Climate Change Minister Pu Lalthansanga, Deputy Speaker Pu Lalfamkima, Adviser to CM Pu Lalmuanpuia Punte, Pu Jeje Lalpekhlua MLA, Capt Rahul Bali, CEO, Innovations India Pvt. Ltd. leh official dangte an tel a ni.

AIHM 2025 a tel mi 1,500 chuangte chu tukin dar 6:30 khan Sports & Youth Services Minister Pu Lalnghinglova Hmar chuan Rajiv Gandhi Stadium atangin a vai liam a. Category hrang hrang 4 - Half Marathon (21.1 Km), Open Race (10 Km), Fun Race (5 km) leh Junior Category (5 km) ah then a ni a. Aizawl khawpui chhuahlam World Bank Road-ah tlanin a bultanna Rajiv Gandhi Stadium-ah tawpna siam a ni a. Lawmman Cheng nuai 10 sem chhuah a ni.

Aizawl International Half Marathon 2025 intihsiakna category hrang hranga lawmman dawngtute:-

(A) HALF MARATHON CATEGORY (21.1 Km)

WOMEN

1) First prize: Tamsi Singh, Time 01:26:57 (Rs 1,25,000 + Medal+ Certificate) 

2) Second prize: Amrita Patel, Time 01:27:16 (Rs 1,00,000 + Medal + Certificate) 

3) Third prize: Shyamali Singh, Time 01:33:59 (Rs 50,000+ Medal+ Certificate)

MEN

1) First prize: Heman Singh, Time 01:11:14 (Rs 1,25,000+Medal+Certificate) 

2) Second prize: Kresstarjune Pathaw, Time 01:11:19 (Rs 1,00,000+Medal+Certificate) 

3) Third prize: Amit Ramesh Patil, Time 01:12:49 (Rs 50,000+Medal+Certificate)

(B) OPEN RACE CATEGORY (10 Km)

 WOMEN

1) First prize: Thelma Lianhmingthangi (Rs 50,000+Medal+Certificate) 

2) Second prize: Esther Baite (Rs 30,000+ Medal+Certificate) 

3) Third prize: Rinzuali (Rs 20,000+Medal+Certificate)

MAN

1) First prize: Sushil (Rs 50,000+Medal+Certificate) 

2) Second prize: CK Lianpuia (Rs 30,000+ Medal+Certificate) 

3) Third prize: Bikhash Sawtal (Rs 20,000+Medal+Certificate)

(C) FUN RACE CATEGORY (5 Km)

WOMEN

1) First prize: Malsawmdawngkimi (Rs 20,000+Medal+Certificate)

2) Second prize: Lalrohlui (Rs 10,000+Medal+Certificate) 

3) Third prize: Franky Chakma (Rs 8,000+Medal+Certificate)

MEN

1) First prize: Daniel Lyngdoh Wahlang, Meghalaya (Rs 20,000+Medal+Certificate)

2) Second prize: K. Lalhriatpuia (Rs 10,000+Medal+Certificate) 

3) Third prize: PC Lalnunmawia (Rs 8,000+Medal+Certificate)

(D) JUNIOR CATEGORY (5 Km)

1) First prize: Krishna Kant Sahu (Rs 10,000+Medal+Certificate)

2) Second prize: Mangthanmawia (Rs 8,000+Medal+Certificate)

3) Third prize: Ricky Tlangthangpuia (Rs 7,000+Medal+Certificate)