345/2025-2026

26th April, 2025 : Vawiin khan Chin Refugee Community a hnam hrang hrang aiawh mi 12 te chuan Lok Sabha MP Pu Richad Vanlalhmangaiha chu a chenna in, New Delhi-ah an kawm.

MP chuan Mizorama chhunga Myanmar atanga kan unau raltlante atanga sorkar phal loh ruihtheihthil tawlh rukna leh sualna dang dang lo thleng thin chu pawi a tih thu leh hetiang thil a thlen tawh loh nana venpui turin leh thawhpui turin Chin Refugee Community te hi alo ngen a. Chin Refugee Community hruaitute pawn hetiang thil duhawm lo tak lo thleng thin chu pawi an tih thu leh, Mizorama raltlante chu lo zirchianga dan bawhchhe zawnga raltlante pawh an awm tawh lohna tura theih tawp chhuah an tum thu MP hi an hrilh bawk a ni.

Chin Refugee Community te hian India ram chhunga an harsatna tawh dan hrang hrang te MP hi an sawipui bawk a, MP hian an harsatna te lo zirchiang a, a tul dan anga hma lo lakpui a tum thu alo hrilh bawk a ni. Tunah hian Delhi khawpui chhung ringawt ah hian Chin raltlan hi mi 7000 chuang an awm niin an sawi bawk.