307/2023-2024

Hnahthial the 3rd May, 2023 - Vawiin chawhnu dar 2:00 khan DC Conference Hall Hnahthial-ah Hnahthial District Bawrhsap Pu R. Lalremsanga kaihhruaiin Larsap Dr. Hari Babu Kambhampati in May ni 11 leh ni 12-a Hnahthial District a tlawh tur chungchangah amah lo dawnsawn dan tur ngaihtuahin meeting neih a ni a, meeting-ah hian head of offices te, khawtlang hruaitu VC te, NGO te leh Media mite an tel a ni.

Meeting kaihruaitu Pu R. Lalremsanga chuan Mizoram Larsap Dr. Hari Babu Kambhampati chuan May ni 11 leh ni 12 hian Hnahthial a rawn tlawh dawn a, amah lo dawnsawn dan tur kan rel dawn a, mawhphurhna te pawh kan inpe leh dawn a, theih tawp chhuaha kan tihhlawhtlin theuh a tul dawn a ni tiin Larsap in Hnahthial a rawn tlawh hi a hriat reng theihna turin a tha thei ang ber kan lo chhuah tur a ni ang a ti bawk.

Larsap hian May ni 11-ah Lunglei atangin Hnahthial a rawn pan ang a, Tuipui 'D'-ah sangha humhalh a en hnuah PWD IB Hnahthial-ah lo hmuah tur a ni dawn a, hemi hnu hian KVK-ah official function neih a ni ang a, official te, MUDRA benficiaries te, NGO MUP, MHIP, YMA, kohhran hruaitute te bakah political party hrang hrang te a kawm bawk ang. Hnahthial-ah a riak ang a, May ni 12 zing dar 10:00-ah PMAY/PMJY beneficiaries te a kawm leh ang a, hemi hnu hian Guard of Honour a lak hnuah Hnahthial helipad atangin Aizawl lam panin a chhuak dawn a ni.