2359/2024-2025

AIZAWL; the 3rd October, 2024: Vawiin chawhma dar 11:30AM khan Mizoram Larsap Pu Indra Sena Reddy Nallu chuan Sairang Rel station sak mek leh Lei(Mualkhang-Sairang, Bridge No.196) dawh mek a tlawh. Larsap hi Er. Harjimal Meena, Deputy Chief Engineer, NF Railway leh a team ten lo dawng sawngin, an hna kalpui dan leh an hmabak te lo hrilh a, nakum (2025) July thla ral hmaa Sairang Rel lei leh Sairang Rel station chu zawh hman an in beisei thu an lo hrilh. Sairang Rel station-ah hian rel kawng (track) 13 a awm ang a, Passenger track 3 leh non- passenger track 10 a awm dawn a ni.

Sairang Rel station a tlawh zawhah  Larsap hian Delhi panin 2:00PM khan Lengpui Airport a chhuahsan a, tahrik ni 7/10/2024 khian a lo let dawn a ni.