2724/2022-2023
Aizawl 18th November 2022: Vawiin khan Pneumonia avanga naupang kum 5 hnuailama thihna thleng thin laka beihpui thlakna Social Awareness and Action to Neutralize Pneumonia Successfully (SAANS) campaign kick off na programme chu Multidisciplinary Training Centre, ITI ah hman a ni a.
He hun hi Dr. Eric Zomawia, Mission Director NHM in kaihruaiin, SAANS campaign chungchang a sawi fiah a. Mizorama naupang kum 5 hnuailam thihna zaa sawm lai hi Pneumonia vang a nih thu a sawi bawk.
He programme-a Chief Guest Dr. Lalzepuii, Director of Health Services chuan Pneumonia bei let turin Mizoram hian tan lak a ngaihzia a sawi a, he Campaign in a tum te chu Naupang kum 5 chin hnuai lam Pneumonia vei te enkawlna tha tak pek te leh mipui vantlang hnena Pneumonia vei lo tura invenlawk a tulzia a sawi uar a, Pneumonia vei mek te enkawlna tha pek inzirtir te, Pneumonia vei te enkawlna hmanraw hrang hrang tihchangtlun te a ni a. A hun taka enkawlna pekin, thihna pumpelh theih a nih thu a sawi, naute thla ruk a tlin hmaa nu hnute chauh pek leh chumi hnu lama chaw tha dang pek te, hridanna lak that tir te, an damloha mithiamte rawn vat nachang hriat te, kut fai taka sil te, tui thiaghlim in te, fai na uar tur leh ei rawngbawl nana khu siam thei hman uar loh hram te hi kan hmalakna tur pawimawh tak tak te an nih thu a sawi bawk.
He hunah hian Dr. Lily Chhakchhuak, SPO RCH chuan Pneumonia natna chungchangah Presentation a pe a.
Hemi hnu hian Dr. Lalhlimpuii, Surveillance Officer WHO chuan Pneumonia dona atan vaccine Pneumococcal Vaccine a awm thu leh a pawimawhna te a sawi lang a ni.
He hun hi Dr. Lalthanpuii DD Health Services in vote of thanks sawiin hun tawp a khar.
