Mizoram State Law Commission meeting vawi 12-na chu vawiin khan I&PR Conference Hall-ah a chairman Pu R. Lalrinawma, MLA hovin an thu khawm a. Thil pawimawh hrang hrang an ngaihtuah zingah Mizoram-a Section 144 Cr. Pc hmanga khapna tam lutuk tih tlem dan pawh a tel. Hemi chungchangah hian Commission hian kum khat kalta vel atang khan ngaihtuahna a lo seng tawh a, Deputy Commissioner hrang hrang ten order an chhuahte lakhawmin Deputy Commissioner leh a kaihhnawih department ngaihdan te pawh a lo la tawh a. Vawiin ah hian hemi chungchanga Draft recommendation Commission Office-in a an buatsaih te thlir hovin, siamthat ngaite siam tha in an pawm. Hei hi sawrkar in a tul ang a a bawhzui theih nan a rang thei ang bera thehluh an tum a ni.

Mizo Inneih, Inthen leh Rokhawm thua Dan mumal zawk Commission in buatsaih nise a tih pawh an sawi ho a. Heng dan mamawhte lo duang lawk turin mithiam ruat tur leh senso ngaite sawrkarah sum dil mek a ni a, sum mamawh angte hmuh a nih hunah chak taka hmalak tum a ni.