PHE Mamit Watsan Division Building thar leh a chhung a awm ve nghal tur Mamit Watsan Sub-Division leh PHE District Public Health Laboratory te chu nimin khan PHE Engineer-in-Chief Pu R. Lalfanliana\'n a hawng.

Engineer-in-Chief chuan department in hun rei tak insakna tur sum pai a neih theih tawh loh hnua a remchang pawtkhawma building thar peih fel a nih thei tak thu leh division hnuaia thawktute thahnemngaihna ah lawmthu a sawi a.Tun dinhmun ah district pum huap tui thianghlim intur hnianghnar takin pe thei rih lo mahse theihtawp chhuah chhunzawm zel a ni ang tiin tui renchem leh tui hna thar neih belhna tura pawimawh hmasa chu ramngaw thing leh mau humhalh that hi a ni a ti.

Division building thar hawn tak hi a dung 84 fts leh a vang 40 fts a ni a, Mizopa chhiara chhawng hnih a ni.Pastor C. Lalthanzara\'n Pathian hnenah a hlan a ni.