Mizoram State Law Commission meeting vawi 13-na vawiin khan I&PR Conference Hall-ah an Chairman Pu R. Lalrinawma, MLA hovin an thukhawm.

He hunah hian thil pawimawh tak tak chhungkaw tin khawih theih thil te pawh ngaihtuah tel a ni. Chung zingah chuan Mizo Customary Law chungchang pawh a tel a, tuna custory law hman lai kum 2005 a Law Department in an published hi Customary Law anga hman theih a ni tih leh hman theih loh tih inhnialna awm reng chungchang an ngaihtuah a. Law Commission chuan Mizo Custory Law, 2005 hi hman theih loh a nihna an hre lova, amaherawh chu mitinte inlungrual tlan theihna a nih dawn chuan Legislative Assembly ah Dan (Act) pangngai anga pass mai tha in an hria a. Kan hriat theuh angin kan Customary Law hian kan tunlai mamawh a phuhru zo ta lova, hemi thlak nan hian Dan pathum The Mizo Marriage, Divorce and Inheritance of Property Bills ruahman mai tha a tih chu a nemnghet nawn leh a. He thil hi MHIP te, Women Commission te, MUP te leh helama tui mite nen inrawn tlanga hmalak vat nise an ti.

Thil dang tam tak bakah tunlai hian affidavit hmanga hming leh hnam hming thlenga thlak a hluar hle tih Law Commission hriattir a ni a, zirchian thuak a nih hnuin a dik ngei tih hriat a ni bawk. He thilah hian thil fello leh tha lo inphum ru mai bakah Mizo Hnam himna atana tha lo inphum ru a awm tlat mai a, hei hi Law Commission chuan a ngai serious hle a ni. He thil khuahkhirh tur hian a rang thei ang bera hmalak nise an ti a, Mizo mipuite thawhpuina an ngen nghal bawk.