Mizoram U.T. a nih kum 1972 atanga Mizoram Sorkarin Acts leh Rules a lo siam tawh zawng zawng dah khawmna bu ‘Mizoram Bar Code’ chu buatsaih zel niin nimin  khan ‘Mizoram Bar Code Vol. VI’ chu Law Minister office-ah tlangzarh a ni.

Tlangzarhtu Law Minister Pu Lalsawta chuan dan leh hrai khawnkhawma vawnthat nachang kan hre lo rei viau mai a, vanneihthlak takin Law & Judicial Department thawktu leh a bikin Pricipal Secretary, Law Pu P.Chakraborty thahnemngaihna avanaga hetiang lehkhabu roltling leh tangkai tlangzarh theih a ni ta hi a lawmthu a sawi.

Mizoram Bar Code buaipuitu ber Pu.P.Chakraborty chuan hetiang lehkhabu an buatsaih dan tlangpui a sawi a, Volume-VI ah hian 1988 chhunga Mizoram Legislative Assembly-in Acts an siam leh Mizoram Sorkarin chumi bawhzuia Rules hrang hrang a siam te dahkhawm a nih thu a sawi a. Volume VII buatsaih mek chu kumin kum tawpa tlangzarh leh theih a beisei thu a sawi a ni. Kum 1991 khan Mizoram Legislative Assembly chuan Acts 20 lai siamin a siam tam ber kum a ni a, kumin 2011-ah hian Acts 22 siam ni tawhin a khum dawn a ni tis a tarlang bawk.

Vawiin he State Code tlangzarh pual inkhawmah hian Parliamentary Secretary Pu Chawngtinthanga, Mizoram Law Commission Chairman Pu R.Lalrinawma, Pu John Siamkunga, MLA bakah sorkar officials te leh mi sawm bik te an tel.