Vawiin  khan Champhai South bialtu MLA leh Law and Judicial etc changtu   Minister  Pu TJ  Lalnuntluanga chuan a bial chhung hmun hrang hrang a fang kual.

Zing karah  Treasury office building leh quarters, Champhai Vengthara  sak mêk chu a hmunah a tlawh.  Minister hi Treasury staff ten  lo dawngsawng in  building sak mêk n sak tur a theihtawp a chhuah pui a tum thu a hrilh a ni. Hemi hnu hian Minister hian Champhai North Presbytery thleng tur Vengthar kohhran Biak In bul kawngpui enfiah lehin, siam that  anih theihna tura ruahmanna siam turin PWD hotute a hrilh nghal a ni. 

A bial chhung Kanan Veng tlawh lehin tuiluan kawr ṭha lo avang a tui tling thin in Aizawl road a harsatna a siam ṭhin chu pumpelh a nih theihna tura ruahmanna lo siam turin DRDA hotute a hrilh bawk a ni.

Minister hian Champhai South Higher Secondary School hawnna a hmanpui hnuah Tuipuia tomato chingtute a hmunah tlawh a, Tuipui tomato ching tuten   kawngpui leh tanky siam sak tura an lo thlen chu tih hlawhtlin sak theih dan lo dap pui turin DRDA leh BDO Khawzawl  te a hrilh bawk a ni.

Minister hi Pi Ethel Rothangpuii, Project Director DRDA Champhai; Pu K.Lalhmuakliana, DUDO Champhai;  Pu Thangchhuana, SDO,PWD  Champhai Sub-Division leh khawtlang hruitu  ṭen an ṭawiawm a ni.