4089/2023-2024

Lawngtlai dated 8th March 2024: Vawiin khan Addl. DC pisaah Lok Sabha inthlanna neih tur atan a Candidate te Campaign-na senso chhutna tur a thil man bitukin Rate Fixation Committee chuan thutkhawmna an nei a. Pu Abraham Beirazi Khithie, Addl. DC chuan hun kaihruaiin DIPRO, Assitant Expenditure Observer, Accounting Team leh Political party hrang hrang aiawhte an tel a ni.

Vawiin thutkhawmna ah hian Loud speaker, Banner, Poster, Hoardings, lirthei, thutthleng hawh man te, in luah man, Hall hawh leh Hotel thlen man te sawi ho niin ei tur chi hrang hrang man chhut dan tur bituk a ni a. Chanchinbu, Radio leh TV a political advertisement chhuah man te bituk a ni bawk.

edia Certification & Monitoring Committee chuan thutkhawmna nei zuiin Pu Hmingthanzuala, DIPRO chuan member-te hnen ah zirtirna a pe a. Inthlan puan a nih hnu ah Electronic media kaltlang a Political Advertisement tichhuak tur te chuan MCMC hnen ah dilna an thehluh hmasak a tul thu leh uluk tak a endik a nih hnu ah chauh tih chhuah phal a nih thu a sawi. Election Model Code of Conduct in a phut angin heng Political advertisement-ahte hian chi leh chi inkar a inhuatna siam thei te, sakhuana lam sawi chhiatna te, tha rum thawh tur a incho chhuahna thu te leh thubelhchian dawl lo hmang a inpuhtawnna te chu chhuah phal a nih loh thu a sawi a. Inthlanna felfai leh muanawm tak kalpui a nih theih nan member-te tha tak a thawhho pui ah a sawm a ni.