Vawiin khan Lawngtlai DC Conference Hall-ah kan hma lawk 2nd October atanga 8th October thleng awh tur Cleanliness Week hman dan tur Bawrhsap Pu J. Hmingthanmawia hova rel a ni.

Bawrhsap chuan thuhma sawiin Cleanliness Week hi Mahatma Gandhi a piancham October 2 denchhen a hman tan a ni thin a, UD&PA Department chu Nodal Department niin kumin ah pawh an ni ruahmanna angin hman tur a ni a, Lawngtlai District ah a lo buaipui turin Town Level Committee din a ni a ti bawk.

A hawnna inkhawm hi Lawngtlai khawpui laili Areopagy ah zing dar 7:00 AM ah neih tur a ni anga, hemi hnu hian khawngchhunga kawngpui pawimawh tifai a hnatlan nghal tur a ni. Tin, hemi ni vek hian veng tin te leh School leh Office te chu an hmun hma te tifai tura ngen nghal an ni bawk ang. Cleanliness Week chhung hian faina lama inelna neih tur a ni a, School, Veng leh Office hrang hrang te endik tu tur Team siam niin an ni hian faina lama hma la tha pakhatna atanga pathumna thleng an thlangchhuak anga Closing function ah lawmman tha tawk tak pek an ni dawn a ni.

A kharna inkhawm erawh chu DC Conference Hall-ah Ni 8.10.2014 chawhma dar 11:00 AM ah neih a ni thung anga he hunah hian Minister of State Pu C. Ngunlianchunga chu khuallian atana beisei a ni.