NLUP hnuaia Line Department ten vawiin khan Mamit D.C Conference Hall-ah District Bawrhsap Pu K. Lalthawmmawia hovin an hmalak tawhna te an thlirho.

Vawiin thut hona-ah hian Mamit District huam chhunga NLUP dawngtu chhuantlak leh hlawhtlinpuitu te chu an hmalakna hmun ngeia tlawh a enpui ni se an ti a, Line Department te chu heng titha zualte hming, khua leh trade thlan te D.C Office-a thehlut tura hrilhhriat an ni a, NLUP tanpuina dawngtu zingah State pum huapa ti tha lawmmawn dawng Mamit District- a mite chanchin mizoram mipui hriat tura pholan ni se ti a rel a ni a, Hei bakah hian a titha duhlo tute chunga hmalak dan tur te sawi ho a ni bawk.

Meeting-ah hian Line Department bakah Addl D.C Pi Lalbiaksangi, NLUP Nodal Officer leh Media Officer NLUP Pi J.H Lalparmawii te an tel a ni.