Vawiin hian Lawngtlai District chhunga Health Worker te training neihna hmunah Lawngtlai District Deputy Commissioner leh District Health Society Chairman ni bawk, Dr. A Muthamma, IAS chuan thusawina neiin, health worker te fuihna leh an harsatna te a sawi pui a ni.

Deputy Commissioner hian fuihna thu hi mizo tawng in a chhiar chhuak a, Immunization bikah kan district hi kan hnufual hle a, naupang ten an dawn tur ang vaccine hi an dawn ngei theih na turin tan lak a la ngai hle a ni a ti.

Government of India in Mission Indradhanush a rawn buatsaih hi chu a lawmawm hle a, he mission kaltlang hian tun thla 4 chhung hian khawtin a naupang te hi fully immunized an nih vek theihna turin tan lak a ngai a ni a ti. Theih tawk a hna kan thawh chuan hmasawnna tur hi a la tam hle a, vaccine la duh lo te pawh an la tam em em a. Hei hi khawtlang hruaitute thawhpui turin sawmna lehkha a lo siam tur thu a sawi bawk. Tun mission indradhanush chhunga 100% fully immunized nei thei khawp a health worker ti tha chu kumin India independence day hian lawmman a siamsak tur thu a sawi tel bawk.