Vawiin khan Lawngtlaiah CYLA hall-ah ‘Kuthnathawktute Ni’ AH&Vety Minister Pu Nihar Kanti Chakma an a hmanpui.

Kuthnathawktute Ni hmanna Programme hi Lawngtlai DC Pu B. Lalhmingthanga’n a kaihruai a, he ‘Ni’ hman chhan leh a tum te a sawifiah a, Rev C. Hrangzuala, General Secretary LIKBK in hunserh a hmang.

Khuallian Minister chuan thusawiin Mizoramin kuthnathawktute hamthatna hrang hrangin a ngaihtuah a, NLUP chhungtinte hnathawh bultan nan a ruahman sak a. Hei hi sum sem leh dawn ringawt nilovin mirethei khaichhuahna atana tih a ni, a ti a. He huntha hi bawhpelh lova hman tangkai ngei tum tur a ni, a ti.

Lawngtlai District-a NLUP thawktha leh chawimawitlak thlanchhuah result a puang a, lawmman leh thuziak a sem nghal a. Chungte chu:-

1st Prize - Pu Ratna Kumar s/o Rurojoy, Tuikhurlui. Trade - WRC-I Under Agriculture Department; Rs. 75000/-

2nd Prize - Pu Sanglianzauva s/o H. Neihchhunga, Chawnhu. Trade - Carpentry, Under Industry Department; Rs. 50000/-

3rd Prize - Pu R. Rokhuma s/o R. Kapliana, Chanmary; Lawngtlai.Trade - Piggery, Under Vety Department; Rs. 30000/-.

Khualzahawm Pu Nirupam Chakma, MLA pawhin thusawiin lawngtlai Lawngtlai District leh chhimlam District te tan kaladan Multi Model Transport Project puitlin huna NLUP thar chhuah hralhna a awlsam dawn thu leh chumi atana lo inbuatsaih turin mipui a ngen bawk.

Khualzahawm C. Ngunlianchunga CEM, LADC; Pu Lalsiama Fambawl Dy. Director I&PR leh Pu F. Sangdawna, Sr. Vice President AMFU te pawhin kuthnathawktute chu taima taka ram leh hnam dinchhuah nana thawk turin an fuih a ni.

Lawngtlai Additional DC Pu Beila Khithie chuan lawmthu sawiin mipui an kaltha a, programme hlimawm tak an hmang a ni.