Vawiin khan Lawngtlai MJA Conference Hall ah Lawngtlai khawpui chhunga loneitu te tan thlai venhimna chungchang leh loneitute dikna chanvo zirchianna Training neih a ni a, Addl. DC Pu R. Lalsangluaia chu khuallian niin he Training hi a hawng.

Directorate of Agriculture, Research a& Education leh Krishi Vigyan Kandra Lawngtlai district te tangkawp buatsaihin vawiin hian Lawngtlai khawpui chhunga All Mizoram Farmers Union Branch hrang hrang memberte tan thlai venhim dan leh loneitute chanvo (Protection of Plant Verities and Farmer Right Act) zir hona buatsaih a ni a, he huna khuallian, Pu R. Lalsangluaia chuan hmanlai atang tawh in Mizo te hian thlai chi hrang hrang, tha tak tak leh thar hlawk tak tak an lo nei tawh a, chung te chu keini an thlah te tan pawh a hlu leh pawimawh em em an la ni. Hetih laiin hlawk zawk leh hrisel zawk a tharchhuah kan duh avangin ram dang atanga thlaichi sengluh pawh tam tak kan nei tawh bawk. Heng kan thlai chi hrang hrang te hi kan humhim a kan roh thiam a pawimawh hle a, kan nunna hnar an nih avangin an nihphung te chiang taka kan hriat a pawimawh a ni a ti. Training nei tura lo kalkhawm loneitute chu uluk taka zir turin a fuih.

Khual zahawm Pu H. Lalthanpuia, Director of Agriculture (R&E) pawhin thu a sawi a, Agriculture Department in hmasawnna a hmuh hrang hrang te tarlangin ruahmanna la awm te pawh kalkhawm te a hrilhfiah bawk.

Hemi hnu hian Pu R. Lalthanzuala Deputy Director F&QS leh Pu Lalneihthanga Subject Matter Specialist (R&E) ten kalkhawmte hi zirtirna an pe a, hemi hnu hian loneitute hian an hriatfiah loh leh zawh duh an neih hrang hrang te zawh na hun an hmang bawk.

He hunah hian Lawngtlai khawpui chhung a All Mizoram Farmers Union Branch pakua atangin mi 65 an tel a ni.

Attachment

  • Loading attachment...