Tukin zingkar khan Lawngtlaia Central YLA Playground-ah National Deworming Day hawnna hun hman a ni a. Zirlai naupangte hnenah rulhut damdawi eitir an ni.
He National Deworming Day hawnna hun hi Lawngtlai Chief Medical Officer Dr Thani Pachuau chuan a kaihruai a. Khuallian, Lawngtlai Addl DC Pu H. Dolianbuaia MCS chuan mihring hriselna hi ngaih pawimawh a tul hle a, rulhut pai chu an hrisel thei lo a ni tiin, Health Department te'n rulhut do beihpui an thlak hi District pum huapa kan hriselna atan a tangkai hle dawn a ni, a ti.
He hunah hian kal khawm sikul naupangte chu rulhut damdawi eitir vek an ni a. Heta tel ve lo sikul leh anganwadi centre tinah vawiin hian rulhut damdawi pek vek an ni dawn bawk. He'ng sikul leh anganwadi-a kal turte hi Khuallian hian a vai liam nghal a ni.
National Deworming Day hian a tum ber chu naupang kum 1-19 inkarte rulhut hlo (Albendazole) eitir a ni a. Vawiina an hma lakna bakah hian August ni 16 hian a thawh hnihna atan beihpui an thlak leh dawn a ni.
