Vawiin khan Lawngtlai MJA Conference Hall-ah National Rural Drinking Water and Sanitation Week 2015 hawnna inkhawm neih a ni a, Lawngtlai Additional DC Pu R. Lalsangluaia chu khuallian a ni.

Pu R. Lalsangluaia chuan India sawrkar in tui thianghlim in tur kan hmuh zel theihnan leh ram fai leh thianghlim kan nih theihna tura hma a lak nasat zia leh chumi atana ruahmanna mumal tak a siam thu a sawia, khua leh tui ten kan awmna hmun theuhvah chu chu kan mamawh a, a hlawkna pawh keimahni tan bawk a ni. Chuvang chuan vawiinah hian tui thianghlim kan neih theihna atana kan mamawh chi hrang hrang leh khawpui thianghlim kan neih theihna tura kan mawhphurhna theuhte tihlawhtling turin inseam thar theuh ang u, a ti.

Pu Lalawmpuia, SDO PHE, Lawngtlai Division pawhin thusawina hun a hmang bawk a, a ni hian tui thianghlim kan hmuh that tawkloh avanga kan ramin harsatna a tawh mekte a tarlang a, thianghlimna kan tlakchham avanga kan hloh tam zia te leh kan neih theih huna kan hlawkpui tur zia chipchiar takin a sawi bawk a ni.

Vawiina Week hawnna inkhawm hi Pu Lallawmawma, SDO Sadaar in a kaihruai a, khawpui chhung atangin Village Council member te, tlawmngai pawlte, leh sawm bik mi engemawzat an tel a ni.