Inrinni kalta 14th March 2014 khan Pu TT Zothansanga, Parliamentary Secretary, FCS&CA, Transport and Tourism chu New Delhi-a 10th Northeast Business Summit, Indian Chamber of Commerce leh DONER Ministry-in an huaihawtah Special Invitee a nih angin a tel.

He hunah hian Pu TT Zothansanga chuan Mizoram Rural and Adventure Tourism chungchang paper present-in Mizoramah  Rural Tourism hi hma nasa taka lak theih tura ruahman mek a nih thu leh tunlai khawvel changkang zelin an ngaihsan em em Adventure Tourism atan Mizoram chuan hmunhma a neihthat thu sawiin hetiang lama investor te chu Mizoram rawn ngaihsak ve turin a sawm. Mizoram Tourism Department Commissioner and Secretary Pi Manisha Saxena chuan a tawiawm a ni.