India Republic Day 64 na chu vawiin zing dar 10:00 khan Lawngtlaiah ropui taka hman a ni a. Pu B. Lalhmingthanga, DC Lawngtlai chuan zing dar 10 ah LADC playground-ah India hnam puanzar pawt parhin parade contingent 26 ten hnam puanzar chibai an buk chu a chhanglet a ni.

Republic Day lawma mipui tam tak kalte chibai bukna a neih zawhin thusawiina a nei a; India in mahnia rorelna danpui, constitution an neihna ni champha ah hian danpui lo duangtute hre reng turin kalkhawmte a chah. Lawngtlai District-in kum 15 hmel a hmuh chhunga zirna, hriselna, eizawnna leh rorelna a neih hrang hrangte a sawilang bawk. Chubakah Mizoram sorkar flagship programme NLUP hmanga line department hrang hrang leh department dangte hmalakna a sawilang bawk. LADC hmalakna hrang hrangte sawilangin tlawmngai pawl hrang hrang, Village Council leh mipui mimir in a sorkar hmalakna an tawiawm that avanga district chhunga hmasawnna ropui tak avangin lawmthu a sawi bawk.Hun lokal lehzel turah pawh sorkar tawiawm zel turin mipui leh kalkhawmte a ngen.

Republic Day lawmna ah hian department hrang hrang leh NLUP line department 16 ten Tableau hmuhnawm tak hmangin an hmalakna entirna an nei bawk.