Lawngtlai District DC leh I&PR Office tangkawpin a huaihawt RTI Week 2011 hawnna chu Lawngtlai DC Conference Hall-ah vawiin chhun 11:00AM khan hman niin DC Pu B. Lalhmingthanga, DAA chuan RTI Week 2011 hi a hawng a. He hunah hian Lawngtlai District chhunga office hrang hrang hotute leh SPIO leh SAPIO te bakah NGO leh RTI lama tui mite an tel.

RTI Week hawnna hun hi Pu Lalhmunsanga Lawngtlai MCS, SDO (S), Lawngtlai in a kaihruai a. Key Note Address Pu Lalremruata Kullai MIS, I&PRO, Lawngtlaiin a sawi a, Pu Thangchem Zathang MCS, Project Director, DRDA, Lawngtlaiin Vote of Thanks a sawi bakah he hun hmangtute hian sawihona hun tha tak an hmang bawk.

Lawngtlai DC Pu B. Lalhmingthanga chuan RTI hmanga mipui kuta thuneihna awm chu sorkar ke pen khalh ngil a, diklohna nekcheptu a ni a ti a. SPIO leh SAPIO te hi mipui te tanpuitu tur kan ni tiin mipui leh N.G.O. te pawhin RTI hi i hmang uar ang u a ti a. Chutihrualin RTI awmzia leh danin a sawite zir chian a pawimawh a ti bawk.Sorkar hian mipui chanvo hi a rapbet tur a ni lo va, langtlang (transparent) in hna a thawk tur a ni tiin thil dik titu tan zep ngai a awm lo a ti bawk.

RTI week hawnnaah hian SPIO, SAPIO leh NGO kalkhawmte chuan RTI chungchanga an hriat duh leh kalphungte an sawi ho nghal a ni.