Vawiin hian Lawngtlai Bawrhsap Pisa ah kan hma lawk a Teacher’s Day vawi 53-na lo thleng tur hman dan tur ngaihtuahin Bawrhsap Pu J. Hmingthanmawia hova meeting neih a ni.

Lawngtlai District chhunga School tin ten an mahni remchan dan angin he ni hi hmang mai se zirtirtute pawimawhna leh ram tana hnathawktu pawimawh an nih zia in hrilh hriatna atan hmang theuh se, tiin an rel. State Level Working Committee on Teacher’s Day in a rel angin kumin Teacher’s Day ah hian Nation Foundation of Teacher Welfare atana sum tuakna pawh nei rih loh tur a ni. Hei bakah hian Sub-Division huamchhunga Teacher’s Day hman dan tur ruahmanna siam thuai a nih theih nan District Level Meetting Minutes chu a rang lama thawnchhuah a, in be rawn reng chunga ruahmanna siam nise an ti bawk.

Vawiin a meeting ah hian District Level Working Committee on Teacher’s Day member-te leh tlawmngaipawl hruaitute an tel a ni.