2205/2026-2027

Lawngtlai, the 14th, September, 2026 : Vawiin chawhnu dar 1:00 khan Bawrhsap Pu Donny Lalruatsanga kaihhruaiin a Office Chamber-ah Eklavya Model Residential School (EMRS) Management Committee thutkhawm neih a ni.

Pu Donny Lalruatsang chuan kalkhawmte hnenah lawmthu a sawi a. Lawngtlai District - in EMRS pahnih Chawnhu leh Chawngteah a nei hi a vanneih thlak hle a, thahnem ngai taka zirtirtu leh staff te thawk a, hlawhtlinna chang zel turin leh naupangte nen a inlaichina tha nei zel turin a chah a. Bawrhsap chuan School Administration leh descipline- kenkawh hi a pawimawh em em a, zirna tih that leh that loh pawh hi administration leh descipline kenkawh dan a zirin a hril thui em em tiin, theihtawp chhuah turin Principal leh Zirtirtute a chah a ni. Naupangin zirna In nuam an tih hi a pawimawh a, chumi tur chuan kalpui thiam erawh a tul hle a ni, a ti. Bawrhsap chuan EMRS - te chu Lawngtlai District- tana zirna lama hmasawnna thlentu an nih ngei a beisei tlat tih sawiin, thawktu leh naupangte duhsakna a hlan nghal bawk.

Thutkhawmah hian School hmasawnna atana thil pawimawh hrang hrang sawiho a ni a.School Administration leh descipline- tha zawka kalpui ni se an ti a. Zirlaiten Zirna In nuam an tiha an ngainat theihnan a tul dan angin hmalak zel ni se an ti bawk a ni. Tun dinhmunah hian EMRS Chawhuah hian zirlai - 212 awmin, Teaching Staff- 19, Non-Teaching staff- 26 awmin, Class -6 atanga Class-12 thleng zirna a awm a. EMRS Chawngteah hian zirlai -291 awmin, Teching staff-26, Non- Teaching staff-24 awmin, Class -6 atanga Class-12 zirna kalpui mek a ni bawk.

Eklavya Model Residential School (EMRS) Management Committee- thutkhawmah hian Member-te an telkim tha hle a, Bawrhsap chuan lawmthu sawiin hun  a khar.