1071/2026-2027

Lawngtlai,18th June, 2026: Mizoram Journalists' Association Lawngtlai District ten kum 2016 atanga kumtin an hman thin  'Green MJA Day'  chu  vawiin  khan Lawngtlai bawrhsap Pu Donny Lalruatsanga hova hman a ni a. Hemi ni pual hian Lawngtlai Deputy Commissioner Bungalow  Chawnhuah  Thingtiak an phun a ni.

Green MJA Day hmanpuitu Lawngtlai Bawrhsap leh  MJA Lawngtlai District Patron ni bawk Pu Donny Lalruatsanga chuan Green MJA Day chibai bukna a nei a. MJA-  ten Thing tiak phuna ramngaw siam tura tha an thawh thinna chu chhuanawm a tih thu tarlangin midante tan entawntlak tak an ni a ti a.   Thingphuna ramngaw nuam leh ṭha zawk siama humhalh  zel chu thil pawimawh leh hlu tak a nih thu  sawiin,  a bik takin Green Mizoram Day  leh Green LADC Day -  a thingphunte humhalh leh enkawltu nih chu tihmakmawh a ni, a ti. Bawrhsap chuan  Environment humhalhna kawngah MJA-  te chu theihtawp chhuah tur leh mipuite zirtirtu ni zel turin duhsakna a hlan nghal bawk.

Green MJA Day puala Thingphun neih hma inkhawmna tawi neih hi MJA Lawngtlai District Vice President Pu H. Lalrinmawia'n a kaihruai a ni. 

Green MJA Day-  hi Mizorama District hrang hrang zingah Lawngtlai District MJA - te  hi a  hmang thin awmchhun niin, kumtinin Thingtiak phun leh an phun tawhsa thawmṭhat leh enkawlzui nan an hmang thin a ni.