1504/2026-2027

Lawngtlai, the 23rd July, 2026 : Vawiin chawhnu dar 3:00 PM khan DC Conference Hall-  ah Bawrhsap Pu Donny Lalruatsanga kaihhruaiin Lawngtlai District - a kawng/ chi li a bawlhhlawh thliar hran dan tur rela thutkhawm a ni.

Pu Donny Lalruatsanga chuan Member - te chibai bukna neiin 'Solid Waste Management Rules 2026' chungchangah chak taka hmalak mek zel a nih thu a sawi a. Supreme Court thuchhuak angin bawlhlawhte chu - Dry, Wet, Sanitary, leh special care - ah thliarhran a tul dawn tiin, hemi kawngah hian sawrkar, VC,NGOs leh mipuite tanrual a tul dawn hle a ti a. District mipuite sawrkarin ruahmanna a siamte zawk tur leh felfai taka bawlhhlawh sawngbawl kawnga tan la thar turin a chah nghal bawk.

Thutkhawmah hian Supreme Court Order 5/5/2026-  a chhuak in October, 2026 hmain khawpui chhunga cheng 30% leh Thingtlanga cheng 15% te 'Ward Practicing 4 way Source Segregation' a taka ti hlawhtling turin a phut angin;  Lawngtlai khawpui chhungah Veng Pathum leh  Lawngtlai, Bungtlang South, Sangau  RD Block - a khaw - 26 leh Chawngte RD Block - a Kamalanagar -I,II,III & IV ah te theih ang anga kalpui ni se tih a ni a.Bawlhhlawh thliar hran dan 'video' leh ' digital flyers' te siam ni se 'Awareness Campaign' hi school, College, NGOs leh VC - ah te neih nise tih a ni a. A bik takin mumal taka bawlhhlawh thliarhran chu Zirna In, Sorkar Office, Institutions leh Damdawi Inah te kalpui ngei tura hmalak ni se an ti a. Tun dinhmunah sum awmsa awm lo mahse,  August thla atangin '4 Ways Source Segregation'  hi a remchan leh theih dan ang a kalpui tan tura rel a ni bawk a ni.

Thutkhawmah hian Member-te an kal tha hle a, Pu Donny Lalruatsanga chuan lawmthu sawiin thutkhawm hi a khar.