1505/2026-2027
24th July, 2026: Zokhawthar Police-in Methamphetamine tam tham tak man
Ni 21.07.2026 zing dar 12:20 AM vel khan Zokhawthar Police-te chuan Zokhawthar– Melbuk Road-ah dan pangngai angin patrolling an nei a. Mualrawt, Zokhawthar-ah scooter (MZ-01-AA-4250)-a chuang mi pahnih chuan Police an hmuh veleh an lirthei kalsana an tlanchhiat avangin an Scooter hi uluk taka dap chhunzawm a ni a. Scooter thutna hnuaia Methamphetamine tablets tel 6, Kg. 7.338 a rit, ₹4,75,04,000/- man hu vela chhut chu hmuh chhuah niin man a ni. Zokhawthar PS C/No. 37/26 dt. 21.7.26 u/s 22(c)/29 NDPS Act ziah luh a ni.
Saitual Police-in Morphine tam tham tak an man
Ni 23.07.2026 khan Saitual Police Special Team te chuan Ashok Leyland Truck pakhat, AS 24 AC 3568 chu rinhlelh thilthuah tidingin an enfiah a. Lirtheiah hian Morphine Kg 2.096, dan lova zawrhnaa ₹ 2,09,60,000 man hu vel tur nia ngaih hmuchhuakin man a ni. Lirthei leh a khalhtu Kabir Hussain (30), S/o Khalilur Rahman, Tarapur khua, Katigora District, Assam pawh man nghal an ni.
Champhai Police-in Heroin man
Ni 15.07.2026 tlai khan Champhai Police Special Task Force te chuan Khankawn Check Gate-ah Maruti 800 (MZ-02-6128), Lalrinnunga (31), Hmuncheng, Khawzawl khalh chu rinhlelh thilthuah tidingin an enfiah a. Heroin, hawng 2 (gram 24), ₹4,80,000/- man hu vela ngaih, a taksaa a pai chu amah ngeiin a phawrh hnuin man a ni. Hemi chungchangah hian Champhai PS C/No. 117/26 dt. 15.7.26 u/s 21(b)/25 NDPS Act ziah luh a ni.
