1503/2026-2027

Lawngtlai, the 23rd July, 2026 : Vawiin chawhnu dar 1:00 PM khan Deputy Commissioner, Conferenece Hall- ah Bawrhsap leh District Election Officer (DEO) nibawk Pu Donny Lalruatsanga kaihhruaiin Special Intensive Revision (SIR) 2026 kalpui mekah Central YMA hruaitute nen inkawmna an nei a. Dr. Lorrain Lalpekliana Chinzah,  Adviser to Chief Minister leh Lawngtlai East bialtu MLA nibawk chuan a telpui.

Dr.Lorrain Lalpekliana Chinzah chuan 'Electoral Roll'  felfai tak neih a nih theih nan a theihtawp chhuahtute fakawm a tih thu a tarlang a. Claims and Objection- kalpui mek a nih angin, fimkhur zual hun lai tak a ni tiin, mawhphurhna neite fimkhur zual turin a chah a. Central YMA leh Central YLA - ten SIR 2026 an ngaipawimawh hle chu mimal taka fakawm a tih thu tarlangin, E/ Roll- a hming chuang theite chauh an chuan theih nan leh 'Electoral Roll-  dik, felfai tha leh rintlak a awm theih nan a theihtawp a chhuah tur thu sawiin, a bik takin Political Party zawng zawngte thahnem ngai taka lo tawiawm turin a sawm nghal bawk.

Pu Donny Lalruatsanga chuan Central YMA hruaituten Lawngtlai an lo tlawh chu lawmawm a tih thu a sawiin, SIR 2026 kalpui mekah 'Electoral Roll' dik leh felfai tak nei tura  theihtawp chhuah mek zel a nih thu a tarlang a. Lawngtlai  District chu ramdang Myanmar leh Bangladesh nen ramri thuitak intawm niin, raltlan engemawzat an awm bawk bakah, Myanmar ram buaina vangin ramriah sumdawnna a kal reng bawka, fimkhur a ngai hle a ti a. A bik takin Electoral Roll siam turah thawktute pawh  fimkhur tur an inchah nasat thu sawiin, VC, NGOs leh  Kohhran te nen pawh thawhhona tha tak a awm tih a tarlang a ni.

Pu SF David Ngursangzuala, Asst.Secretary , Central YMA chuan tuna 'Electoral Roll'  siam mek chu Mizoram hmalam hun thuitak nghawng thei a nih angin fimkhur tlan a tul hle a ti a. Central YMA chuan hming chuang theilo tur an chuan palh   a hlau hle tih sawiin, Electoral Roll - buaipuitute chu diktaka hna thawk turin a chah a.Helam hawia Central YLA hmalakna chu Central YMA in a thlawp tlat tih a tarlang bawk.

Central YLA President Pu F.Lalrothanga chuan DIR 2026 kalpui mekah CYLA chuan theihtawp a chhuah mek tih a sawi a. Hearing-  neih mekah dan kalha Electoral Roll - a luh tum awmtheihna khuate Central YLA chuan a thutchilh vek tih sawiin, Branch YLA-  te pawh theihtawp chhuah turin an hriattir tawh thu sawi bawk a ni.

Pu Collin Hlychho Election Officer (EO) chuan SIR 2026 kalpui dan tlangpui sawizauna a nei a. July ni 4, 2026 khan SIR  2026 Draft Electoral Roll - tlangzarh a nih thu sawiin, Roll - ah hian mi - 90,699 an awm mek a ni. Draft Roll tlangzarh a nih hnuah insawifiah ngai (Anomalies)  "No Map"   bikah 36- Tuichawng - 567; 37- Lawngtlai West - 2359; 38- Lawngtlai West- 907 an awm a, "Discrepancy" bikah 36- Tuichawng - 14,807; 37- Lawngtlai West - 8,267; 38- Lawngtlai West- 5,466; an awm a ni. A vaiin  Lawngtlai District - a Assembly Constituency pathumah 'Hearing (insawifiah) ngai mi - 32, 373 an awm a ni.

Electoral Rolls- a inthun luh leh paih hun chu July ni 21 atanga August ni 10, 2026 thleng kalpui a ni ang a, September ni - 2 a zawhfel hman beisei niin, Final Electoral Roll - hi September ni 6, 2026 ah tarchhuah a ni ang, a ti.

Draft Electoral Roll - atanga a lan danin Lawngtlai District - ah Vote nei Mipa - 45,311; Hmeichhia - 45, 388 ; a vaiin Vote nei - 90, 699 an awm a ni. 36 - Tuichawng (ST) AC ah Vote- 36,300; awmin, 37 - Lawngtlai West (ST) AC ah Vote- 29,313 leh 38- Lawngtlai East - ah Vote nei - 25,086 an awm a, Assembly Constituency pathumah hian Service Voter - 223 an awm a ni. SIR 2026-  kalpui hma hian Lawngtlai District- ah Vote-  95,564 awmin, SIR 2026 Draft Roll- ah Vote- 90,699 awm thungin, Vote paih - 4,865 a awm a ni. He hunah hian sawiho ngai leh hriatfiahloh awmte inhrilhfiahna hun hman a ni.

Thutkhawmah hian EROs, AEROs, Lawngtlai Town chhunga BLO te,  MJA Lawngtlai District, CYLA, MHIP, LWA aiawh, President Lawngtlai District VC Association bakah 100% mapping nei Saikah 'U', Saikah 'L' leh Kawlchaw 'W' BLO-  te an tel a. Bawrhsap chuan lawmthu sawiin thutkhawm hi a khar.