1155/2026-2027

Lawngtlai, 24th June 2026 : Vawiin chawhnu dar 2: 00 PM khan Lawngtlai bawrhsap leh Chairman, District AIDS Prevention & Control Committee (DAPCC) nibawk Pu Donny Lalruatsanga kaihhruaiin a Office Chamber-ah ' Red Ribbon Quiz Competition 2026' chungchang sawihoa thutkhawm a ni.

Pu Donny Lalruatsanga chuan DAPCC Member-lo kalte hnenah lawmthu sawina a nei hmasa a. Red quiz competition- buatsaih thin chuan HIV/ AIDS dona kawngah rah tha tak a chhuah thin thu tarlangin, kuminah pawh tha leh felfai taka buatsaih a tul dawn hle a ti a. Mizoram dinhmun thlirin HIV/ AIDS do rêm turin tan lak a ngai hle tiin, sawrkar, NGO, Kohhran leh mipuiten theihtawp chhuah a ngai a ti a. Red Ribbon Quiz Competition - chuan zirlaiteah hriatna zauzawk a thlen ngei a beisei tih tarlangin bawrhsap chuan HIV/ AIDS- do kawngah Lawngtlai District- in rahbi thar kai ngei a beisei tlat thu a sawi bawk a ni.

Thutkhawmah hian District Level- a 'Red Ribbon Quiz Competition 2026' buatsaih dan tur kawng hrang hrang sawiho a ni a. Red Ribbon Quiz Competition - hi July ni 29 (Wednesday) ah neih ni se, buaipuitu atan DISHA ruat niin, DC Conference Hall- ah neih ni se an ti a. DEO lamin School-tinah Quiz Competition - a tel tura sawmna lo siam se tih niin, School - 15 aia tam an awm chuan 'Online Screening Test' ni 24 (Friday) ah neih hmasak a, school titha pali te tan District Level - inelna buatsaih leh ni se an ti a ni. Quiz Master atan Pu Elvis Lalthangzuala, President, MJA Lawngtlai chu sawm ni se an ti bawk a ni.

District Level Red Ribbon Quiz Competition - a Pakhatna hi State level-ah District aiawhin an chhuak ang a, State level-a pakhatna hi Regional level-a inel tura chhuak lehin, chumi an paltlang chuan National Level - inelnaah an chhuak leh dawn a ni.

Vawiin thutkhawmah hian Lawngtlai District AIDS Prevention & Control Committee (DAPCC) Member- te an telkim tha hle a, Pu Donny Lalruatsanga chuan lawmthu sawiin hun a khar.