1154/2026-2027

Dated : Mamit the 24th of June, 2026 : Vawiin khan DC Conference Hall, Mamit-ah Window-I of Aspirational Mamit District Programme hnuaia hmasawnna hnathawh mek Pu Suvigya S Chandra, District Bawrhsap hovin thlirho a ni. 

Vawiin thutkhawmah hian Pi Carolyn LB. Khiangte, Addl. DC chuan Mamit District Aspirational Programme hnuaia Mamit District dinhmun leh India ram puma inelna hrang hranga lawmman kan lo lak tawhte leh lawmmanin a ken tel sum kan hmuh leh hmasawnna hnathawhna atana hman a nih dan hrang hrangte a tarlanga, Sawrkar laipui kaltlanga sum hmuhte duh hun leh tum anga hmuh theih a nih bik loh dan leh District Administration atanga tihtur awmte rang taka thlen thlak zung zung thin a nih thute a tarlang tel bawk. 

Vawiin thutkhawmah hian NITI Aayog atanga Mamit District Aspirational Programme hnuaiah Champions of Change inelnaa a titha lawmman - Financial Inclusion sector ah 1na nih man lawmman Rs.3 crore Mamit District in a dawn hmanga Mamit GSA Playground-a artificial grass  phah hna thawh tur leh Overall sector-ah 4na ni a Rs 2 crore lawmman hmanga Mamit Hmarvenga Vikas Bhavan Building sak mekte sawiho niin hna tha zawka thawh a nih theihna tura rawtna hrang hrangte sawiho a ni.

Hnathawktute RM Consultancy & Construction leh Meckavo, Sports Infrustructure Pvt. Ltd atangin an hna thawh tawh leh hmalak lehna tura an ruahmannate a lem nen an tarlang bawk a ni.

Niti Aayog atanga hmasawnna hna kal mekte hi District Rural Development Office kaltlanga thawh niin Pu Lalchhanhima, Project Director,DRDO chuan hnathawktute'n tha taka hma an lak zui zel theihna tura a line department nena in pawh taka kal a tul thu sawiin mamawh leh tul an neihah dawr hrehlo turin a chah bawk. 

Vawiin thutkhawmah hian Pu Lalnunfela Chawngthu, SDO (S) bakah khawthlang hruaitute leh Games & Sports hruaitute an tel a ni.