2729/2026-2027

Lawngtlai, 19th October 2026 : Vawiin khan District Rural Development Office, Lawngtlai bultumin DC Conference Hall-ah 'VB- G RAM G' hmalakna thlirhona neih a ni. Bawrhsap leh District Programme Coordinator nibawk Pu Donny Lalruatsanga chuan a hmanpui.

Pu Donny Lalruatsanga chuan kalkhawmte chibai bukin sawrkarlaipuiin a phût ang ngeia dik leh tha taka VB- G RAM G kalpui a tul thu a sawi a. India ramin hmasawnna rahbi thar a kaina tur leh Viksit Bharat 2047 (Developed India ) hlawhtlina tur pawimawh tak pakhat a nih anga theihtawp chhuah turin a chah a. A bik takin mipuiten an chhawr tur leh khawtlang mamawh thlan thiam a tul tiin, hnathawh vil kawngah pawh uluk zawka enfiah thin a pawimawh hle a ni, a ti. Bawrhsap chuan mawhphurhna neite an pawimawh rualin VC, NGOs leh mipuite pawhin theihtawp an chhuah a pawimawh hle tih sawiin, thawhhona tha zawk a awm zel a beisei thu a sawi a ni.

Pu H. Zonunawia, PD (DRDO) chuan Lawngtlai District- a VB-G RAM G kalpui mekah report pekna a nei a. Report atanga a lan danin Gramin Rozgar Guarantee Cards Issued- 43,498, niin Active Job Cards-42,992 a awm a, Total Persondays Generated - 9.72 Lakhs niin, Women Participation - 53.9 % a ni. April - September 2026 chhung khan   Lawngtlai RD Block -ah  ni  67; Chawngte RD Block-ah ni  67; Sangau RD Block-ah  ni 63, leh Bungtlang 'S' RD Block -ah  ni 63 inhlawhna siam tawh a ni a. Financial Year 2026- 2027 chhungin Budget - Rs. 2,947.68 Lakhs awmin, Unskilled Wages Spent- Rs. 1,943.69 Lakhs; leh Material & Administrative Expenditure - Rs. 1,003.99 Lakhs a awm a ni.Kum 2026- 2027 chhunga hnathawh tura ruahmanna siamah Water Related Works- 1,344; Core Rural Infrastructure - 5,881; Livelihood Infrastructure - 343 leh Extreme Weather & Disaster - 1,000 a awm a ni. Inter - Departmental Convergence Projects - kalpui tura hmalak mek a nih thu ngaihthlak a ni bawk.

Thutkhawmah hian Lawngtlai District- a Programme Officers;  Addl. Programme Officers leh VB- G RAM G Staff- te an tel thei a, Pi Lalramliani, ARDO (DRDO) chuan lawmthu sawiin hun a khar.