2218/2026-2027
Lawngtlai, 15th September 2026: Vawiin chawhnu dar 1:00 PM khan DC Conference Halll- ah Chief Minister's Special Package Phase- II hnuaia Progress Partners- te hnena 'Certificate leh Placard' hlanna neih a ni a. Lawngtlai Bawhrsap Pu Donny Lalruatsanga chuan chuan khuallian nia hmanpuiin hlanna a nei. Department - 7 atangin Progress Partners- 145 te hnenah Rs. 50,000/- theuh hlan an ni a, Rs. 7,250,000/- semchhuah a ni.
Pu Donny Lalruatsanga chuan Department pariat kaltlanga Chief Minister's Special Package Phase- II dawngtu Progress Partners- te hnenah lawm taka 'Certificate leh Placard' a hlan thu a sawi a. Kut hnathawktuten leirem an rah theihna turin Sawrkarin theihtawp a chhuah thin a, Bana Kaih (Hand Holding) kaltlangin mi tam takin tanpuina an lo dawng tawh thin a ni, a ti. Chief Minister's Special Package bik chu rulh ngai lo leh a thlawna dawn a ni a, hetih lai hian sum hman dik loh palh a hlauhawm zual em em a, sawrkarin a beisei ang ngeia a hmanna tur dik taka hman a pawimawh hle a ni, a ti. Ei leh bara Mizoram intodelh tur leh mi chanhai zawkten leirem an rahna turin sawrkarin theihtawp a chhuah a, a hlawhtlinna hi Progress Partners- te kutah a innghat thui em em tiin Bawrhsap chuan 'Bana Kaih' dawngtu mai ni lo va a tihlawhtlingtu nih tum theuh turin Progress Partners- te a chah a ni.
Bawrhsap chuan Line Department - te pawhin mawhphurhna lian tak an nei tiin, Progress Partners- te hmalakna endik, vil leh tanpui an ngaihna zawna theihtawp an chhuah a pawimawh tak zet a ti a. Hemi kawngah hian line department-te inkarah thawhhona tha leh inelna thianghlim neih thiam a tul a ti. CM Special Package- chu mi tumruh leh mahni kutkea dinchhuah tum te tan chuan Scheme tha tak a ni a, Lawngtlai District- atanga dawngtute pawh sawrkar beisei ang ngeia thawk turin a fuih a. Progress Partners- te chu sawrkarin Bana a Kaih reng ngai lo a, mahnia intungnung leh dingchhuak zui thei tura thahnem ngai taka thawk tura chahin Pu Donny Lalruatsanga chuan hlawk leh tangkai taka 'Training leh Briefing' nei turin duhsakna a hlan nghal bawk.
Vawiin hun hmannaah hian Pu Collin Hlychho, SDO (S), Nodal Officer, Handholding Scheme, Lawngtlai District- chuan hun kaihruaiin, Bana Kaih' dawngtute tana fuihna thu tawi a sawi a. Pu Lalhruaizela SDC chuan lawmthu sawiin hun a khar.
Chief Minister's Special Package Phase- II hnuaia Progress Partners- te pual hian 'Training & Briefing' hun hman nghal niin, Department - 7 atangin zirtirna hun hman a ni.
